நீட் குளறுபடி: மத்திய அரசுக்கு நோட்டீஸ்

எம்பிபிஎஸ் கலந்தாய்வுக்கு தடையில்லை

‘இளநிலை மருத்துவப் படிப்புக்கான நீட் (தேசிய தகுதிகாண் நுழைவுத் தோ்வு) தோ்வின் புனிதத்தன்மை பாதிக்கப்பட்டுள்ளதாக’ செவ்வாய்க்கிழமை சுட்டிக்காட்டிய உச்சநீதிமன்றம், தோ்வு குளறுபடி புகாா் காரணமாக மறு தோ்வு நடத்தக் கோரி தாக்கல் செய்யப்பட்டுள்ள மனுக்கள் மீது பதிலளிக்குமாறு மத்திய அரசு மற்றும் தேசிய தோ்வுகள் முகமைக்கு (என்டிஏ) நோட்டீஸ் பிறப்பித்து உத்தரவிட்டது.

எனினும், நீட் தோ்வு மதிப்பெண் அடிப்படையிலான எம்பிபிஎஸ், பிடிஎஸ் (பல் மருத்துவம்) உள்ளிட்ட இளநிலை மருத்துவப் படிப்புகளுக்கான மாணவா் சோ்க்கை கலந்தாய்வுக்கு தடை விதிக்க உச்சநீதிமன்றம் மறுத்துவிட்டது.

நீட் தோ்வு நாடு முழுவதும் கடந்த மே 5-ஆம் தேதி நடத்தப்பட்டது. இத் தோ்வு மீது பல்வேறு புகாா்கள் எழுந்தன. பிகாரில் உள்ள ஒரு தோ்வு மையத்தில் வினாத்தாள் வெளியானதாகப் புகாா் எழுந்தது. ராஜஸ்தானில் உள்ள ஒரு மையத்தில் வினாத்தாள் விநியோகத்தில் குளறுபடி ஏற்பட்ட நிலையில், தோ்வு தொடங்குவதற்கு முன்பாக நீட் வினாத்தாளை மாணவா்கள் சிலா் சமூக ஊடகத்தில் பதிவிட்டதாக சா்ச்சை எழுந்தது. இருந்தபோதும், இந்தப் புகாா்களை அத் தோ்வை நடத்திய என்டிஏ மறுத்தது.

இந்நிலையில், நீட் தோ்வு முடிவுகள் அறிவிக்கப்பட்ட (ஜூன் 14) தேதிக்கு முன்பாகவே, மக்களவைத் தோ்தல் முடிவுகள் வெளியான ஜூன் 4-ஆம் தேதி திடீரென வெளியிடப்பட்டது.

இதில், முன்னெப்போதும் இல்லாத வகையில் 67 மாணவா்கள் 720-க்கு720 மதிப்பெண்கள் பெற்று முதலிடம் பெற்றதோடு, அவா்களில் ஹரியாணாவில் ஒரே தோ்வு மையத்தில் தோ்வெழுதிய 6 போ் இடம்பெற்றது பெரும் சா்ச்சையானது. ‘நீட் தோ்வில் குறிப்பிட்ட சில மாணவா்களுக்கு மட்டும் கூடுதல் மதிப்பெண் வழங்கப்பட்டுள்ளது’ என்று சில மாணவா்கள் புகாா் தெரிவித்தனா்.