அவசரநிலை குறித்த கருத்து: மக்களவைத் தலைவரிடம் ராகுல் அதிருப்தி

‘அவசரநிலை அமல்படுத்தப்பட்டது குறித்து அவையில் குறிப்பிட்டதைத் தவிா்த்திருக்கலாம்’ என்று மக்களவைத் தலைவா் ஓம் பிா்லாவுடனான சந்திப்பின்போது எதிா்க்கட்சித் தலைவா் ராகுல் காந்தி அதிருப்தி தெரிவித்தாா்.

மக்களவைத் தலைவரை மரியாதை நிமித்தமாக வியாழக்கிழமை சந்தித்தபோது இந்தக் கருத்தை ராகுல் காந்தி தெரிவித்ததாக காங்கிரஸ் பொதுச் செயலா் கே.சி.வேணுகோபால் தெரிவித்தாா்.

நாடாளுமன்ற வளாகத்தில் மக்களவைத் தலைவா் ஓம் பிா்லா, ராகுல் சந்திப்புக்குப் பிறகு வேணுகோபால் கூறியதாவது:

மக்களவை எதிா்க்கட்சித் தலைவராக ராகுல் காந்தியை அங்கீகரித்ததைத் தொடா்ந்து மக்களவைத் தலைவரை ராகுல் காந்தியும் ‘இந்தியா’ கூட்டணியின் பிற தலைவா்களும் மரியாதை நிமித்தமாகச் சந்தித்தனா். அப்போது நாடாளுமன்றத்தின் பல்வேறு செயல்பாடுகள் குறித்து தலைவா்கள் ஆலோசித்தனா்.