ஆன்மிக நிகழ்வில் நெரிசல்: 116 பேர் உயிரிழப்பு

108 பேர் பெண்கள்; உ.பி.யில் சம்பவம்

உத்தர பிரதேசத்தில் ஆன்மிகச் சொற்பொழிவு நிகழ்ச்சியில் ஏற்பட்ட கூட்டநெரிசலில் 108 பெண்கள், 7 குழந்தைகள், ஒரு ஆண் என 116 பேர் உயிரிழந்தனர்.

இவர்களில் 72 பேர் இதுவரை அடையாளம் காணப்பட்டுள்ளதாக, மாநில தலைமைச் செயலர் மனோஜ் குமார் சிங் தெரிவித்தார்.

உத்தர பிரதேச மாநிலம், ஹாத்ரஸ் மாவட்டத்தின் புல்ராய் கிராமத்தில் உள்ள திறந்தவெளி மைதா னத்தில், 'போலே பாபா' என்ற ஆன்மிக குருவின் சொற்பொழிவு நிகழ்ச்சி செவ்வாய்க்கிழமை நடைபெற்றது. தனியார் சார்பில் நடத்தப்பட்ட இந்நிகழ்ச்சியில் பெண்கள், குழந்தைகள் என ஏராளமானோர் பங்கேற்றனர்.

மக்கள் மாலையில் நிகழ்ச்சி முடிந்து, மைதானத்தைவிட்டு கிளம்பும்போது கடும் நெரிசல் ஏற்பட்டது. 'போலே பாபா'விடம் ஆசிபெறவும், அவரது காலடி மண்ணை சேகரிக்கவும் மக்கள் முண்டியடித்தபோது நெரிசல் ஏற்பட்டு, ஒருவர் மீது மற்றொருவர் விழுந்தனர். மைதானம் வழுக்கும் தன்மையுடன் இருந்ததாக அதிகாரிகள் தரப்பில் தெரிவிக்கப்பட்டது.

சொற்பொழிவு நிகழ்ச்சிக்கு அளவுக்கு அதிகமான கூட்டம் கூடிய நிலையில், போதிய முன்னேற்பாடுகள் மேற்கொள்ளப்படவில்லை என குற்றஞ்சாட்டப் படுகிறது. நெரிசலில் சிக்கி காயம டைந்தவர்கள் மீட்கப்பட்டு, லாரிகள் மற்றும் பிற கனரக வாகனங்களில் சிக்கந்தரராவ் மருத்துவமனைக்கு கொண்டுசெல்லப்பட்ட னர்.

மருத்துவமனையில் சிகிச்சைக் ஒரேயொரு மருத்துவர் மட்டுமே பணியில் இருந்ததாக காகவும், ஆக்சிஜன் வசதியும் இல்லை எனவும் பொதுமக்கள் குற்றஞ் சாட்டினர்.