மருத்துவக் கட்டமைப்பு வசதிகள்: அமைச்சர் உதயநிதி தொடங்கி வைத்தார்

சென்னை ராயப்பேட்டை அரசு மருத்துவமனையில் 100 படுக்கைகள் கொண்ட தீவிர சிகிச்சை பிரிவு கட்டடத்துக்கு இளைஞர் நலன் மற்றும் விளையாட்டுத் துறை அமைச்சர் உதயநிதி ஸ்டாலின் புதன்கிழமை (ஆக. 7) அடிக்கல் நாட்டினார்.

இதேபோல், சென்னை, திருவல்லிக்கேணி கஸ்தூரிபாய் காந்தி அரசு தாய் சேய் நல மருத்துவமனையில் ரூ. 6.17 கோடி மதிப்பில் அமைக்கப்பட்டுள்ள அறுவை சிகிச்சை அரங்கம், அறுவை சிகிச்சைக்குப் பிந்தைய கண்காணிப்பு அறை, உயர் தீவிர சிகிச்சை பிரிவு, தீவிர சிகிச்சை பிரிவு ஆகியவற்றையும் பொதுமக்கள் பயன்பாட்டுக்காக அவர் தொடங்கி வைத்தார்.

தொடர்ந்து, இன்ஃபோசிஸ் பெரு நிறுவன சமூகப் பங்களிப்பு நிதியின் கீழ் வழங்கப்பட்ட ரூ. 30 கோடி மதிப்பிலான மருத்துவ உபகரணங்களை அரசு கஸ்தூரிபாய் காந்தி தாய் சேய் நல மருத்துவமனைக்கும், சென்னை ராஜீவ்காந்தி அரசு மருத்துவமனைக்கும் அமைச்சர் உதயநிதி வழங்கினார்.

இந்த நிகழ்ச்சியில் பங்கேற்று மக்கள் நல்வாழ்வுத் துறை அமைச்சர் மா.சுப்பிரமணியன் பேசியதாவது: