இந்தியா-மலேசியா இடையே 8 ஒப்பந்தங்கள்

இந்தியா வந்துள்ள மலேசிய பிரதமர் அன் வர்இப்ராஹிம், தில்லியில் பிரதமர் நரேந்திர மோடியை செவ்வாய்க்கிழமை சந்தித்து பேசினார்.

பாதுகாப்பு, வர்த்தகம் உள்ளிட்ட பல்வேறு துறைகளில் இருதரப்பு நல்லுறவை விரிவுபடுத்துவது குறித்து இருவரும் ஆலோசித்தனர்.

மேலும், மலேசியாவில் இந்திய தொழிலாளர்கள் பணியமர்த்தப்படுவதைக் ஊக்குவிப்பது மற்றும் அவர்களின் நலன்களைப் பாதுகாப்பதற்கான முக்கிய ஒப்பந்தம் உள்ளிட்ட 8 ஒப்பந்தங்கள் கையொப்பமாகின.

மலேசிய பிரதமர் அன்வர் இப்ராஹிம் மூன்று நாள் அரசுமுறைப் பயணமாக இந்தியாவுக்கு திங்கள்கிழமை இரவு வந்தார். பிரதமராக அவரது முதல் இந்திய பயணம் இதுவாகும்.

தில்லியில் உள்ள ஹைதராபாத் இல்லத்தில் பிரதமர் மோடி மற்றும் அன்வர் இப்ராஹிம் இடையே செவ்வாய்க்கிழமை பேச்சுவார்த்தை நடைபெற்றது. அப்போது, பாதுகாப்பு, வர்த்தகம், முதலீடு உள்ளிட்ட பல்வேறு துறைகளில் ஒத்துழைப்பை வலுப்படுத்தும் புதிய வாய்ப்புகள் குறித்து இருவரும் விரிவாக ஆலோசித்தனர்.

இருதரப்பு வியூக கூட்டாண்மை: பின்னர், செய்தியாளர்களுக்கு கூட்டாக அளித்த பேட்டியில் பிரதமர் மோடி கூறியதாவது:

இந்தியா-மலேசியா இடையிலான கூட்டுறவை 'விரிவான வியூக கூட்டாண்மை' அந்தஸ்துக்கு உயர்த்த முடிவு செய்துள்ளோம்.

இரு நாடுகளின் பொருளாதாரத் தொடர்பு முக்கியத்துவம் வாய்ந்ததாகும். எனவே, இருதரப்பு வர்த்தகம் சொந்த கரன்சியில் (இந்தியா-ரூபாய், மலேசியா-ரிங்கிட்) மேற்கொள்ளப்படுகிறது.