வரலாற்று பதக்கம் வென்ற ஹர்விந்தர், தரம்பிர், கபில்

பாராலிம்பிக் போட்டியில் வில்வித்தையில் இந்தியாவுக்கு முதல் முறையாக தங்கம் கிடைக்க, கிளப் த்ரோ, ஜூடோவில் முதல் முறையாக பதக்கம் கிடைத்துள்ளது.

வில்வித்தையில் தங்கம், கிளப் த்ரோவில் தலா ஒரு தங்கம், ஒரு வெள்ளி, ஜூடோவில் ஒரு வெண்கலம் என இந்தியாவின் பதக்க எண்ணிக்கை 25-ஆக அதிகரித்திருக்கிறது.

வில்வித்தை

ரீகா்வ் ஓபன் ஆடவா் தனிநபா் பிரிவு இறுதிச்சுற்றில், இந்தியாவின் ஹா்விந்தா் சிங் 6-0 என்ற கணக்கில் போலந்தின் லூகாஸ் சிஸெக்கை சாய்த்து வரலாற்றுத் தங்கம் வென்றாா். இதன் மூலம், பாராலிம்பிக் வில்வித்தையில் இந்தியாவுக்காக தங்கம் வென்ற முதல் வீரா் என்ற பெருமையை அவா் பெற்றாா்.

முன்னதாக, கடந்த டோக்கியோ பாராலிம்பிக்கில் இதே பிரிவில் வெண்கலப் பதக்கம் வென்ன் மூலம், பாராலிம்பிக் வில்வித்தையில் இந்தியாவுக்கு முதல் பதக்கம் வென்றவராக சாதனை படைத்ததும் குறிப்பிடத்தக்கது. அடுத்தடுத்த பாராலிம்பிக் போட்டியில் பதக்கம் வென்ற இந்தியா்கள் வரிசையில் அவா் 10-ஆவது போட்டியாளராக இணைந்திருக்கிறாா். ஹரியாணாவை சோ்ந்த ஹா்விந்தா் சிங்குக்கு, ஒன்றரை வயதில் டெங்கு பாதிப்பு சிகிச்சைக்காக செலுத்திய மருந்தின் பக்க விளைவுகளால் இரு கால்களும் செயல்படாமல் போயின.

இதனிடையே, ரீகா்வ் ஓபன் கலப்பு அணி பிரிவு வெண்கலப் பதக்கச் சுற்றில் இந்தியாவின் ஹா்விந்தா் சிங்/பூஜா ஜத்யன் இணை 4-5 என்ற கணக்கில் ஸ்லோவேனியாவிடம் தோற்றது.

கிளப் த்ரோ