செபி தலைவர் மாதபியிடம் விசாரணை: 'நாடாளுமன்ற பொதுக் கணக்குக் குழுவே முடிவு செய்யும்'

பங்குச்சந்தை ஒழுங்காற்று வாரிய (செபி) தலைவர் மாதபி புச்சை விசாரணைக்கு நேரில் ஆஜராக அழைப்பு விடுப்பது குறித்து நாடாளுமன்ற பொதுக் கணக்குக் குழுவே முடிவு செய்ய வேண்டும் என்று அந்தக் குழுவின் தலைவரும், காங் கிரஸ் பொதுச் செயலருமான கே.சி. வேணுகோபால் தெரிவித்தார்.

மத்திய அரசின் வரவு செலவு கணக்கை எம்.பி.க்கள் அடங்கிய நாடாளுமன்ற பொதுக் கணக்குக் குழு தணிக்கை செய்யும். அத்துடன் ஒழுங்காற்று அமைப்புகளின் செயல்பாடு, வங்கி மற்றும் காப்பீட்டு துறை சீர்திருத்தங்கள், மத்திய அரசின் நிதியுதவியுடன் மேற்கொள்ளப்படும் நல்வாழ்வு திட்டங்களின் அமலாக்கம், பொது உள்கட்டமைப்புக்கான பயனர் கட்டணங்கள் உள்ளிட்டவற்றையும் அந்தக் குழு ஆராயும்.