சென்னையில் மீண்டும் என்கவுன்ட்டர்: ரௌடி சுட்டுக் கொலை

சென்னை அருகே ரெளடி சீசிங் ராஜா திங்கள்கிழமை போலீஸாரின் என்கவுன்ட்டரில் சுட்டுக் கொல்லப்பட்டாா்.

இதுகுறித்து போலீஸ் தரப்பில் கூறப்பட்டதாவது:

கிழக்கு தாம்பரம் மண்ணிவாக்கம் அருகே உள்ள ராமகிருஷ்ணாபுரம் தாங்கல் கரை தெருவைச் சோ்ந்தவா் ந.ராஜா என்ற சீசிங் ராஜா (51). இவா் மீது 6 கொலை வழக்குகள், ஒரு கொலை முயற்சி வழக்கு, 4 ஆயுத வழக்குகள், 3 ஆள்கடத்தல் வழக்குகள், 2 வழிப்பறி வழக்குகள், ஒரு கூட்டுக் கொள்ளை வழக்கு உள்பட 39 வழக்குகள் உள்ளன.

மேலும், 12 முறை குண்டா் தடுப்புச் சட்டத்தின் கீழ் சீசிங் ராஜா மீது நடவடிக்கை எடுக்கப்பட்டுள்ளது. பகுஜன் சமாஜ் கட்சி மாநிலத் தலைவராக இருந்த ஆம்ஸ்ட்ராங் கொலை சம்பவத்தில் சீசிங் ராஜாவுக்கு தொடா்பு இருப்பதாகத் தகவல் பரவி வந்தது. இந்நிலையில், ரெளடிகளுக்கு எதிராக காவல் துறை கடுமையான நடவடிக்கை எடுக்கத் தொடங்கியதால், சீசிங் ராஜா சென்னையிலிருந்து தனது இருப்பிடத்தை தற்காலிகமாக மாற்றினாா்.

அதேவேளையில் சென்னை பெருநகர போலீஸாரும், தாம்பரம் போலீஸாரும் சீசிங் ராஜாவை தீவிரமாகத் தேடி வந்தனா். வேளச்சேரியில் சில மாதங்களுக்கு முன்பு மதுபானக் கூடத்தில் தகராறு செய்து, அங்கிருந்த ஊழியா் ஆனந்தனிடம் துப்பாக்கியைக் காட்டி மிரட்டி, தாக்கிய வழக்கில் சீசிங் ராஜாவை கைது செய்வதற்கு சென்னை போலீஸாா் தீவிரம் காட்டி வந்தனா்.