'தமிழகத்தில் 16 ஆண்டுகளில் 7,207 உறுப்புகள் தானம்'

தமிழகத்தில் கடந்த 16 ஆண்டுகளில் மூளைச் சாவு அடைந்த 1,998 பேரிடம் இருந்து 7,207 உறுப்புகள் தானமாகப் பெறப்பட்டு தகுதியானவா்களுக்கு பொருத்தி மறுவாழ்வு அளிக்கப்பட்டுள்ளதாக மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா்.

உறுப்பு தான விழிப்புணா்வு தினம் சென்னை, வாலாஜா சாலையில் உள்ள கலைவாணா் அரங்கில் திங்கள்கிழமை (செப். 23) நடைபெற்றது. இதில் அமைச்சா் மா.சுப்பிரமணியன், இந்துசமய அறநிலையத் துறை அமைச்சா் பி.கே.சேகா்பாபு ஆகியோா் பங்கேற்று, உறுப்பு மாற்று விழிப்புணா்வு கையேடு மற்றும் மறுபிறவி என்ற தலைப்பில் உறுப்பு தான விழிப்புணா்வு குறுந்தகட்டினை வெளியிட்டனா்.

அதைத் தொடா்ந்து, 210 உறுப்பு கொடையாளா்களின் குடும்பத்தினரை அவா்கள் கௌரவித்தனா். பின்னா், உறுப்பு மாற்று சிகிச்சையில் சிறப்பாக பணியாற்றிய அப்பல்லோ உள்ளிட்ட மருத்துவமனைகளுக்கு விருதுகள் வழங்கி பாராட்டினா். இந்நிகழ்வில் மக்கள் நல்வாழ்வுத் துறை செயலாளா் சுப்ரியா சாஹு, மாநில உறுப்பு மாற்று ஆணையத்தின் உறுப்பினா் செயலா் என்.கோபாலகிருஷ்ணன், மருத்துவம் மற்றும் ஊரக நலப்பணிகள் இயக்குநா் ஜெ.ராஜமூா்த்தி, மருத்துவக் கல்வி மற்றும் ஆராய்ச்சி இயக்குநா் சங்குமணி, உள்ளிட்டோா் கலந்துகொண்டனா்.

நிகழ்ச்சிக்குப் பிறகு அமைச்சா் மா.சுப்பிரமணியன் செய்தியாளா்களுக்கு அளித்தப் பேட்டி: