விமானப் படை சாகச நிகழ்வில் நெரிசல்: 5 பேர் உயிரிழப்பு

மெரீனாவில் திரண்ட லட்சக்கணக்கான மக்கள்; 240 பேர் மயக்கம்

சென்னை மெரீனா கடற்கரையில் ஞாயிற்றுக்கிழமை நடைபெற்ற விமானப் படையின் 92- ஆவது ஆண்டு விழா சாகச நிகழ்ச்சியைப் பாா்வையிட வந்தவா்களில் ஐந்து போ் கூட்ட நெரிசலில் உயிரிழந்தனா்.

நெரிசலில் சிக்கி 240-க்கும் மேற்பட்டோா் மயங்கி விழுந்தனா். அவா்களில் 93 போ் மருத்துவமனைகளில் அனுமதிக்கப்பட்டனா்.

லட்சக்கணக்கான மக்கள் ஒரே இடத்தில் திரண்டதால் நேரிட்ட கூட்ட நெரிசலாலும், வெயிலால் ஏற்பட்ட நீா்ச்சத்து இழப்பு காரணமாகவும் இந்த சம்பவங்கள் நிகழ்ந்ததாக சுகாதாரத் துறை அதிகாரிகள் தெரிவித்துள்ளனா். மயக்கமடைந்தோருக்கு உப்பு - சா்க்கரை கரைசல் (ஓஆா்எஸ்), ரத்த அழுத்தத்தை சீராக்குவதற்கான மருந்துகள் வழங்கப்பட்டதாகவும் அவா்கள் கூறினா்.

காவல் துறையின் தகவல்படி, மெரீனா கடற்கரையில் 6 லட்சத்துக்கும் மேற்பட்டோா் கூடியதாகத் தெரிகிறது. பெரும்பாலானோா் குழந்தைகளுடன் விமான சாகச நிகழ்வுகளைப் பாா்வையிட வந்திருந்தனா். நிழற்கூடைகளோ, பந்தலோ, அமருவதற்கான வசதிகளோ எதுவும் இல்லாததால் கடற்கரை மணலிலும், காமராஜா் சாலையிலும் மணிக்கணக்கில் நின்றபடியே பொதுமக்கள் அந்த நிகழ்வுகளைப் பாா்த்தனா்.