வடகிழக்குப் பருவமழையை எதிர்கொள்ள அவசரகால கட்டுப்பாட்டு மையம்

வடகிழக்கு பருவமழையை எதிர்கொள்வதற்காக வருவாய்துறை மற்றும் சென்னை மாநகராட்சி சார்பில் மாநில அவசரகால கட்டுப்பாட்டு மையம் அமைக்கப்பட்டுள்ளதாக துணை முதல்வர் உதயநிதி ஸ்டாலின் தெரிவித்தார்.

வடகிழக்குப் பருவமழையை முன்னிட்டு, சென்னை மாநகராட்சி பகுதிகளில் மேற்கொள்ளப்பட்டுவரும் முன்னெச்சரிக்கை நடவடிக்கை குறித்து ரிப்பன் மாளிகை வளாகத்தில் உள்ள ஒருங்கிணைந்த கட்டளை மற்றும் கட்டுப்பாட்டு மையத்தில் துணை முதல்வர் உதயநிதி ஸ்டாலின் ஞாயிற்றுக்கிழமை ஆய்வு செய்தார்.

அப்போது, கட்டுப்பாட்டு மையத்துக்கு பொதுமக்களிடம் இருந்து வந்த புகார்களைக் கேட்டறிந்த அவர், உடனடியாக அவற்றை தீர்த்து வைக்குமாறும், புகார் நிறைவேற்றப்பட்டதை உறுதி செய்ய வேண்டும் என்றும் அதிகாரிகளுக்கு அறிவுறுத்தினார்.

பருவமழை: இதைத் தொடர்ந்து, செய்தியாளர்களிடம் அவர் கூறியது:

வடகிழக்குப் பருவமழை தொடங்கவுள்ள நிலையில், அதற்கான முன்னேற்பாட்டுப் பணிகளை தமிழக அரசு துரிதமாக மேற்கொண்டு வருகிறது. மாநில அவசர கால கட்டுப்பாட்டு மையத்தில் மேற்கொள்ளப்படும் கண்காணிப்பு நடவடிக்கைகள் குறித்து ஆய்வு மேற்கொள்ளப்பட்டது.