இன்று முன்பதிவு தொடக்கம்

தீபாவளிக்கு சென்னையில் இருந்து கோவை, மங்களூருக்கு சிறப்பு ரயில்கள் இயக்கப்படவுள்ளன.

இதுகுறித்து தெற்கு ரயில்வே புதன்கிழமை வெளியிட்ட செய்தி: சென்னை சென்ட்ரலில் இருந்து போத்தனூருக்கு அக். 29, நவ. 2 ஆகிய தேதிகளில் சிறப்பு ரயில் (எண் 06021) இயக்கப்படும்.

சென்ட்ரலில் இரவு 7 மணிக்கு புறப்படும் ரயில், மறுநாள் அதிகாலை 3.15 மணிக்கு போத்தனூர் சென்றடையும்.

மறுமார்க்கமாக கோவையில் இருந்து அக். 30, நவ. 3 ஆகிய தேதிகளில் நள்ளிரவு 12.15 மணிக்கு புறப்படும் ரயில் காலை 9.30 மணிக்கு சென்னை சென்ட்ரல் வந்தடையும்.

இந்த ரயில் பெரம்பூர், திருவள்ளூர், அரக்கோணம், காட்பாடி, ஜோலார்பேட்டை, சேலம், ஈரோடு, திருப்பூர், கோவை வழியாக இயக்கப்படும்.