வைத்திலிங்கம் தொடர்புடைய இடங்களில் 2-ஆவது நாளாக அமலாக்கத் துறை சோதனை

பண முறைகேடு வழக்கு தொடர்பாக முன்னாள் அதிமுக அமைச்சரும், எம்எல்ஏவுமான ஆர்.வைத்திலிங்கம் தொடர்புடைய இடங்களில் அமலாக்கத் துறையினர் இரண்டாவது நாளாக வியாழக்கிழமையும் சோதனை செய்தனர்.

தமிழகத்தில் கடந்த 2011-ஆம் ஆண்டுமுதல் 2016-ஆம் ஆண்டு வரையிலான அதிமுக ஆட்சிக்காலத்தில் வீட்டுவசதி மற்றும் நகர்ப்புற வளர்ச்சித் துறை அமைச்சராக இருந்தவர் வைத்திலிங்கம். தற்போது முன்னாள் முதல்வர் ஓ.பன்னீர்செல்வம் ஆதரவாளராக இருக்கும் வைத்திலிங்கம், தஞ்சாவூர் மாவட்டம் ஒரத்தநாடு தொகுதி எம்எல்ஏவாக உள்ளார்.