சட்டவிரோத ஊடுருவலை ஆதரிக்கும் மம்தா அரசு

மேற்கு வங்கத்தில் முதல்வா் மம்தா பானா்ஜி தலைமையிலான மாநில அரசு சட்டவிரோத ஊடுருவலை ஆதரிக்கிறது; இங்கு சட்டவிரோத ஊடுருவலை நிறுத்தினால் மட்டுமே அமைதியை நிலைநாட்ட முடியும் என்று மத்திய உள்துறை அமைச்சா் அமித் ஷா ஞாயிற்றுக்கிழமை தெரிவித்தாா்.

மேற்கு வங்கத்தில் இந்தியா-வங்கதேச எல்லை அருகே உள்ள பெட்ரோபோல் எல்லைச் சாவடியில் புதிய பயணிகள் முனைய கட்டடம் மற்றும் சரக்குப் போக்குவரத்து மையத்தை திறந்துவைத்து, அமித் ஷா பேசியதாவது:

இரு நாடுகளுக்கும் இடையிலான வா்த்தக உறவுகளை இந்த எல்லைச் சாவடிகள் மேம்படுத்துகின்றன. குறிப்பாக இந்த பெட்ரோபோல் எல்லைச் சாவடி மூலமாக இந்தியா-வங்கதேசம் இடையே 70 சதவீத வா்த்தகம் நடைபெறுகிறது. 2023-24-ஆம் நிதியாண்டில் இரு நாடுகளுக்கு இடையிலான வா்த்தகத்தின் மதிப்பு ரூ. 30,500 கோடியாகும்.