விடுமுறை முடிந்து சென்னை திரும்பிய மக்கள்: விமானக் கட்டணம் பல மடங்காக உயர்வு

தீபாவளி விடுமுறைக்காக சொந்த ஊர்களுக்குச் சென்று விட்டு மீண்டும் சென்னைக்கு விமானத்தில் வந்த பயணிகள் இரு மடங்கு கட்டண உயர்வால் அதிர்ச்சியடைந்தனர்.

தீபாவளிக்காக தங்கள் சொந்த ஊர்களுக்குச் சென்றவர்கள் பேருந்து, ரயில்கள் மூலம் மீண்டும் சென்னைக்கு வந்த நிலையில், பலர் விமானங்களிலும் சென்னை வந்தடைந்தனர். ஞாயிற்றுக்கிழமை இரவு, பிற மாநிலங்கள் மற்றும் மாவட்டங்களிலிருந்து ஏராளமானோர் தங்கள் பயணத்தை மேற்கொண்டதால், அனைத்து விமான நிறுவனங்களும், சென்னைக்கு வருவதற்கான பயணக்கட்டணத்தை திடீரென பல மடங்கு உயர்த்தின.