அரசின் திட்டங்களில் செயற்கை நுண்ணறிவு பயன்பாடு

கொள்கை உருவாக்கம் உள்பட எட்டு முக்கிய செயல்பாடுகளில் செயற்கை நுண்ணறிவுத் தொழில்நுட்பம் பயன்படுத்தப்பட இருப்பதாக தமிழக அரசு தெரிவித்துள்ளது.

செயற்கை நுண்ணறிவுத் தொழில்நுட்பத்தை அரசின் செயல்பாடுகளுக்கு பயன்படுத்த வசதியாக தனி அமைப்பு ஏற்படுத்தப்படும் என்று சட்டப்பேரவையில் அறிவிக்கப்பட்டது. இந்த அறிவிப்பைச் செயல்படுத்தும் வகையில், தமிழ்நாடு செயற்கை நுண்ணறிவு அமைப்பு ரூ.13.93 கோடியில் உருவாக்கப்பட்டுள்ளது.

இந்த அமைப்பு செயல்படுத்தவுள்ள பணிகள் குறித்து, தமிழக அரசு வெளியிட்ட வழிகாட்டு நெறிமுறைகள்: தமிழ்நாடு செயற்கை நுண்ணறிவு அமைப்பானது அரசின் முக்கிய செயல்பாடுகளில் செயற்கை தொழில்நுட்பத்தைப் பயன்படுத்தும் பணிக்கான தலைமை அமைப்பாகச் செயல்படும்.