ராகுல் குடியுரிமை விவகாரத்தில் சிபிஐ விசாரணை: தில்லி உயர்நீதிமன்றத்தில் தகவல்

மக்களவை எதிர்க்கட்சித் தலைவர் ராகுல் காந்தி இந்தியா மற்றும் பிரிட்டன் ஆகிய இரு நாடுகளின் குடியுரிமையை பெற்றிருக்கும் விவகாரம் தொடர்பாக சிபிஐ விசாரணை மேற்கொண்டு வருவதாக தில்லி உயர்நீதிமன்றத்தில் புதன்கிழமை தெரிவிக்கப்பட்டது.

இந்த விவகாரத்தில் உரிய நடவடிக்கையை எடுக்க மத்திய உள்துறை அமைச்சகத்துக்கு உத்தரவிடக் கோரி பாஜக மூத்த தலைவர் சுப்பிரமணியன் சுவாமி தில்லி உயர்நீதிமன்றத்தில் கடந்த 2019-ஆம் ஆண்டு மனு தாக்கல் செய்திருந்தார்.

இந்த மனு உயர்நீதிமன்ற தலைமை நீதிபதி மன்மோகன், நீதிபதி துஷார் ராவ் கெடிலா ஆகியோர் அடங்கிய அமர்வில் புதன்கிழமை விசாரணைக்கு வந்தது.

அப்போது, 'இதே விவகாரம் தொடர்பாக அலகாபாத் உயர்நீதிமன்றத்தில் ஏற்கனவே மனு தாக்கல் செய்யப்பட்டு, விசாரணை நிலுவையில் உள்ளது.