சமூக வலைதளங்கள், இணைய வழி விளையாட்டுகளுக்கு அடிமையாகும் சிறார்

புது தில்லி, நவ.8: சமூக வலைதளங்கள், இணைய வழி விளையாட்டுகள், ஓடிடி தளங்கள் ஆகியவற்றுக்கு சிறார் அடிமையாகி விட்டதாகவும் இதனால் கோபம், பொறுமையின்மை மற்றும் சோர்வு என அவர்களின் நடத்தை யில் பல்வேறு மாற்றங்கள் ஏற்பட்டுள்ளதாகவும் ஆய்வில் பெரும்பாலான பெற்றோர்கள் தெரிவித்துள்ளனர்.

இதுதொடர்பாக லோக்கல் சர்க்கிள்ஸ் நிறுவனம் பெற்றோர்களிடம் நடத்திய ஆய்வில் கூறப்பட்டுள்ளதாவது: நகர் பகுதிகளில் வசிக்கும் 9 வயது முதல் 17 வயது வரையுள்ள சிறார் ஒரு நாளைக்கு சராசரியாக மூன்று மணி நேரத்துக்கு மேலாக சமூக வலைதளங்கள், இணைய விளையாட்டுகள், ஓடிடி தளங்களில் நேரத்தை செலவிடுவதாக 47 சதவீத பெற்றோர்கள் தெரிவித்தனர்.