வேளச்சேரி பகுதியில் மழைநீர் தேங்குவதை தடுக்க நடவடிக்கை

சென்னை வேளச்சேரி பகுதிகளில் மழை நீர் தேங்காமல் இருக்க பல்வேறு நடவடிக்கைகள் எடுக்கப்பட்டுள்ளதாக மக்கள் நல்வாழ்வுத் துறை அமைச்சர் மா.சுப்பிரமணியன் தெரிவித்தார்.

வேளச்சேரி எம்.ஆர்.டி.எஸ் அருகில் உள்ள ரயில்வே சாலை வடக்கு பகுதியில் வெள்ள பாதிப்பை தடுக்கும் வகையில் வெட்டப்பட்டுள்ள குளத்தை அமைச்சர் மா.சுப்பிரமணியன் சனிக்கிழமை பார்வையிட்டு ஆய்வு செய்தார்.

இதையடுத்து அவர் செய்தியாளர்களிடம் கூறியதாவது: சென்னை மாநகராட்சி அடையாறு மண்டலத்தில் 2022-23-ஆம் நிதியாண்டில் 50 கி.மீ. நீளத்துக்கு புதியதாக மழைநீர் வடிகால் பணிகள் முடிக்கப்பட்டுள்ளன.