மாற்றுத் திறனாளிகள்-திருநங்கையர் தொழில் தொடங்க அரசு நிதியுதவி

மாற்றுத் திறனாளிகள், திருநங்கைகளும் 'ஸ்டார்ட் அப்' திட்டத்தில் புதிய தொழில்களைத் தொடங்க நிதியுதவி அளிக்கப்படும் என துணை முதல்வர் உதயநிதி ஸ்டாலின் உறுதிபடத் தெரிவித்தார்.

சென்னை ஐஐடிஎம் அரங்கில் தமிழ்நாடு புத்தொழில் மற்றும் புத்தாக்க இயக்ககம் சார்பில் செவ்வாய்க்கிழமை நடைபெற்ற 'ஸ்டார்ட்அப் சென்னை - செய்க புதுமை' என்னும் நிகழ்வில் துணை முதல்வர் உதயநிதி ஸ்டாலின் பங்கேற்றுப் பேசியதாவது:

2030-ஆம் ஆண்டில் தமிழ்நாட்டை ஒரு டிரில்லியன் டாலர் பொருளாதாரம் கொண்ட மாநிலமாக உருவாக்க வேண்டும் என்று முதல்வர் மு.க.ஸ்டாலின் இலக்கு நிர்ணயித்துள்ளார்.