நுழைவுத் தேர்வு நடைமுறையில் புதிய அணுகுமுறை

‘நுழைவுத் தேர்வு நடைமுறையில் புதிய அணுகுமுறையை மத்திய அரசு கொண்டுவர உள்ளது’ என்று மத்திய கல்வி அமைச்சர் தர்மேந்திர பிரதான் வெள்ளிக்கிழமை கூறினார்.

தெலங்கானா மாநிலம் ஹைதராபாத்தில் வெள்ளிக்கிழமை நடைபெற்ற நிகழ்ச்சி ஒன்றில் பங்கேற்ற மத்திய அமைச்சர் தர்மேந்திர பிரதான், பின்னர் செய்தியாளர்களுக்கு அளித்த பேட்டியில் கூறியதாவது:

கடந்த ஆண்டு நுழைவுத் தேர்வுகளை நடத்துவதில் பல்வேறு சவால்களை மத்திய அரசு சந்தித்தது. அதைத் தொடர்ந்து, நுழைவுத் தேர்வுகளில் சீர்திருத்தங்களை மேற்கொள்வதற்காக, இஸ்ரோ முன்னாள் தலைவர் கே.ராதாகிருஷ்ணன் தலைமையில் குழு ஒன்று அமைக்கப்பட்டது.