பருவநிலை மாநாடுகளால் இனி பலன் இல்லை!!

'பருவநிலை மாற்றத்தைக் கட்டுப்படுத்துவதற்காக ஐ.நா. நடத்திவரும் மாநாடுகளால் இனி எந்தப் பலனும் ஏற்படப்போவதில்லை' என்று நிபுணர்களும், முக்கியத் தலைவர்களும் எச்சரித்துள்ளனர்.

தைக் கட்டுப்படுத்துவதற்காக ஐ.நா. நடத்திவரும் மாநாடுகளால் இனி எந்தப் பலனும் ஏற்படப்போவதில்லை என்று நிபுணர்களும், முக்கியத் தலைவர்களும் எச்சரித்துள்ளனர்.

இது குறித்து, ஐ.நா. முன்னாள் பொதுச் செயலர் பான் கி மூன், ஐ.நா. பருவநிலைப்பிரிவு முன்னாள் தலைவர் கிறிஸ்டானியா ஃபுகுயெரெஸ், அயர்லாந்து முன்னாள் அதிபர் மேரி ராபின்சன் மற்றும் சுற்றுச்சூழல் நிபுணர்கள் ஐ.நா. அமைப்புக்கு எழுதியுள்ள கடிதத்தில் குறிப்பிட்டுள்ளதாவது:

பருவநிலை மாற்றத்தைக் கட்டுப்படுத்துவதற்காக கடந்த 2015-ஆம் ஆண்டில் மேற்கொள்ளப்பட்ட பாரீஸ் ஒப்பந்தத்தின் கீழ் தொடர்ந்து மாநாடுகள் நடைபெற்று பல்வேறு நடவடிக்கைகள் எடுக்கப்பட்டுவருகின்றன.

அவை வரவேற்கத்தக்கவைதான் என்றாலும், தற்போதைய சூழலில் அந்த மாநாடுகளால் பாரீஸ் ஒப்பந்தத்தின் குறிக்கோளை நிச்சயம் அடைய முடியாது என்ற நிலை உள்ளது.

தொழில் புரட்சிக்கு முன்பிருந்ததை விட 1.5 டிகிரி செல்சியஸ் மட்டுமே அதிகம் என்ற அளவுக்கு புவியின் வெப்பத்தைக் கட்டுப்படுத்த வேண்டும் என்பதுதான் அந்த ஒப்பந்தத்தின் இலக்கு.

அந்த இலக்கை அடைவதற்கு மிகவும் துரித கதியில் பசுமை வாயுக்கள் வெளியேற்றத்தைக் குறைக்க வேண்டும்.