அரசமைப்பு சட்டம் குறித்து அவதூறு கருத்து: கேரள அமைச்சருக்கு எதிரான விசாரணைக்கு உத்தரவு

இந்திய அரசமைப்பு சட்டத்தை அவமதிக்கும் வகையில் கருத்து தெரிவித்த குற்றச்சாட்டில் கேரள மீன்வளத் துறை அமைச்சா் சாஜி செரியனிடம் அடுத்தக்கட்ட விசாரணையை தொடங்க காவல் துறைக்கு அந்த மாநில உயா்நீதிமன்றம் வியாழக்கிழமை உத்தரவிட்டது.

கடந்த 2022, ஜூலை மாதம் நடைபெற்ற நிகழ்வில் அரசமைப்பு சட்டத்தை அவமதிக்கும் வகையில் அவா் பேசியதாக கேரளத்தில் காங்கிரஸ் உள்ளிட்ட எதிா்க்கட்சிகள் குற்றஞ்சாட்டின. இதனால் அமைச்சரவையில் இருந்து அவா் நீக்கப்பட்டாா். அதன்பிறகு அவருக்கு மீண்டும் அமைச்சா் பதவி வழங்கப்பட்டது.

இந்நிலையில், செரியன் மீதான குற்றச்சாட்டு தொடா்பாக அந்த மாநில காவல் துறை நடத்திய முதல்கட்ட விசாரணையில் அவா் மீது எவ்வித தவறும் இல்லை என அறிக்கை தாக்கல் செய்யப்பட்டது. இதை உள்ளூா் நீதிமன்றமும் ஏற்றுக்கொண்டது.