ஜார்க்கண்டில் காங்கிரஸ் கூட்டணி அபாரம்

பாஜக பின்னடைவு

ஜார்க்கண்ட் சட்டப்பேரவைத் தேர்தலில் ஆளும் ஜார்க்கண்ட் முக்தி மோர்ச்சா (ஜேஎம்எம்), காங்கிரஸ் கூட்டணி அபாரமாக வென்று, ஆட்சியைத் தக்கவைத்துள்ளது.

மொத்தமுள்ள 81 தொகுதிகளில் இக்கூட்டணிக்கு 56 இடங்கள் கிடைத்துள்ளன. கடந்த 2019 பேரவைத் தேர்தலில் 47 இடங்களைக் கைப்பற்றிய நிலையில், இந்த முறை இக்கூட்டணியின் பலம் அதிகரித்துள்ளது. அதேநேரம், கடந்த தேர்தலை விட பாஜக பின்னடைவைச் சந்தித்திருக்கிறது.

ஜார்க்கண்ட் சட்டப்பேரவைக்கு இரு கட்டங்களாக கடந்த நவம்பர் 13, 20 ஆகிய தேதிகளில் தேர்தல் நடைபெற்றது. இரு கட்டங்களையும் சேர்த்து 67.74 சதவீத வாக்குகள் பதிவாகின. கடந்த 2000-இல் ஜார்க்கண்ட் உருவானதில் இருந்து பேரவைத் தேர்தலில் அதிகபட்ச வாக்குப் பதிவு இதுவாகும்.