கார் மோதியதில் சாலையோரம் அமர்ந்திருந்த 5 பெண்கள் உயிரிழப்பு

திருப்போரூர் அருகே பழைய மாமல்லபுரம் சாலையில் மேய்ச்சலுக்கு மாடுகளை விட்டு விட்டு சாலையோரம் அமர்ந்திருந்த போது கார் மோதியதில் 5 பெண்கள் சம்பவ இடத்திலேயே உயிரிழந்தனர்.

செங்கல்பட்டு மாவட்டம், பழைய மாமல்லபுரம் சாலையில் உள்ள பண்டிதமேடு கிராமத்தைச் சேர்ந்தவர்கள் விஜயா (65), கௌரி (64), லோகமால் (62), ஆந்தாயி (65), யசோதா (53). இவர்கள் புதன்கிழமை வழக்கம்போல் தங்கள் பசுக்களை மேய்ச்சலுக்கு விட்டுவிட்டு, பழைய மாமல்லபுரம் சாலையில் உள்ள பண்டிதமேட்டில் சாலையோரம் அமர்ந்து ஓய்வு எடுத்துக் கொண்டிருந்தனர்.