உக்ரைன் ‘அதிகார மையங்கள்' மீது தாக்குதல்: புதின் எச்சரிக்கை

மேற்கத்திய நாடுகளின் ஏவு கணைகளைக் கொண்டு தங்கள் மீது இனியும் தாக்குதல் நடத்தினால், உக்ரைனின் முக்கிய முடிவுகளை எடுக்கும் அதிகார மையங்கள் மீது தாங்கள் உருவாக்கியுள்ள - இடைமறிக்க முடியாத - 'ஆரெஷ்னிக்' ரக அதிவேக ஏவுகணைகளைக் கொண்டு தாக்குதல் நடத்தப்படும் என்று ரஷிய அதிபர் விளாதிமீர் புதின் எச்சரித்துள்ளார்.

மேற்கத்திய நாடுகளின் ஏவுகணைகளைக் கொண்டு தங்கள் மீது இனியும் தாக்குதல் நடத்தினால், உக்ரைனின் முக்கிய முடிவுகளை எடுக்கும் அதிகார மையங்கள் மீது தாங்கள் உருவாக்கியுள்ள - இடைமறிக்க முடியாத - ‘ஆரெஷ்னிக்’ ரக அதிவேக ஏவுகணைகளைக் கொண்டு தாக்குதல் நடத்தப்படும் என்று ரஷிய அதிபா் விளாதிமீா் புதின் எச்சரித்துள்ளாா்.

உக்ரைன் அதிபா் மாளிகை, அமைச்சரகங்கள், நாடாளுமன்றத்தை மறைமுகமாகக் குறிப்பிட்டு அவா் இவ்வாறு தெரிவித்துள்ளாா்.

கஜகஸ்தானின் அஸ்தானா நகரில் வியாழக்கிழமை நடைபெற்ற முன்னாள் சோவியத் யூனியன் நாடுகளின் அரசியல்-ராணுவ கூட்டமைப்பின் மாநாட்டில் இதுகுறித்து அவா் பேசியதாவது:

மேற்கத்திய நாடுகளில் தயாரிக்கப்பட்ட ஏவுகணைகளை ரஷிய பகுதிகள் மீது வீச அந்த நாடுகள் அண்மையில் அனுமதி வழங்கின. அத்தகைய ஏவுகணைகளை மேற்கத்திய நாடுகளின் பங்களிப்பு இல்லாமல் ஏவ முடியாது என்பதால், இதுபோன்ற நடவடிக்கைகள் உக்ரைன் போரில் அந்த நாடுகள் நேரடியாக ஈடுபடுவதைக் குறிக்கும் என்று நாங்கள் தொடா்ந்து எச்சரித்துவருகிறோம்.

மேலை நாடுகள் ஆயுதங்கள் ரஷியா மீது பயன்படுத்தப்பட்டால் அது வரம்பு மீறிய - பதற்றத்தைத் தூண்டும் செயல் என்று தொடா்ந்து கூறிவந்தோம்.