விசாரணை அமர்வில் இருந்து உச்சநீதிமன்ற தலைமை நீதிபதி விலகல்

தேர்தல் ஆணையர்கள் நியமன விவகாரம்

இந்திய தலைமைத் தேர்தல் ஆணையர் மற்றும் பிற தேர்தல் ஆணையர்களைத் தேர்ந்தெடுக்கும் குழுவில் இருந்து உச்சநீதிமன்றத் தலைமை நீதிபதியை நீக்கியதற்கு எதிராகத் தாக்கல் செய்யப்பட்ட மனுக்கள் மீதான விசாரணை அமர்வில் இருந்து உச்சநீதிமன்றத் தலைமை நீதிபதி சஞ்சீவ் கன்னா விலகிக்கொண்டார்.

கடந்த 2023-இல் கொண்டுவரப்பட்ட தலைமைத் தேர்தல் ஆணையர்கள் மற்றும் பிற தேர்தல் ஆணையர்கள் சட்டத்தில், தலைமைத் தேர்தல் ஆணையர் மற்றும் பிற தேர்தல் ஆணையர்களைத் தேர்ந்தெடுக்கும் மூன்று நபர் குழுவில் இருந்து உச்சநீதிமன்றத் தலைமை நீதிபதி நீக்கப்பட்டார்.

அதற்குப் பதிலாக மத்திய அமைச்சர் ஒருவரை குழுவில் இடம்பெறச் செய்ய அந்தச் சட்டம் வழிவகை செய்தது.