கோவையில் தடையை மீறி பேரணி: அண்ணாமலை உள்பட 900 பேர் கைது

கோவையில் தடையை மீறி பேரணி செல்ல முயன்றதாக பாஜக மாநிலத் தலைவர் கே.அண்ணாமலை உள்பட 900-க்கும் மேற்பட்டோர் கைது செய்யப்பட்டனர்.

கோவை குண்டுவெடிப்பு (1998) குற்றவாளியின் இறுதி ஊர்வலத்துக்கு காவல் துறை அனுமதி வழங்கியதை கண்டித்து பாஜக சார்பில் காந்திபுரத்தில் கருப்பு தினப் பேரணி வெள்ளிக்கிழமை நடைபெற்றது.

இதில் பங்கேற்ற அண்ணாமலை பேசியதாவது:

கோவை கோட்டை சங்கமேஸ்வரர் கோயில் அருகே கடந்த 2022 அக்.23-ஆம் தேதி கார் குண்டு வெடித்த சம்பவத்துக்கான திட்டம் கடந்த 2022 பிப்ரவரி மாதத்தில் சத்தியமங்கலம் வனப் பகுதியில் 7 பேர் குழுவால் தீட்டப்பட்டதாக என்ஐஏ குற்றப் பத்திரிகையில் குறிப்பிடப்பட்டுள்ளது.