தனியார் பள்ளிகளில் சிறப்பு வகுப்புகள் நடத்தக் கூடாது கல்வித் துறை உத்தரவு

அரையாண்டுத் தேர்வு விடுமுறையில் தனியார் பள்ளிகளில் மாணவர்களுக்கு சிறப்பு வகுப்புகள் நடத்தக் கூடாது என பள்ளிக் கல்வித் துறை உத்தரவிட்டுள்ளது.

சென்னை மற்றும் சில மாவட்டங்களில் உள்ள பள்ளிகளில் மாணவர்களுக்கு வியாழக்கிழமை சிறப்பு வகுப்புகள் நடத்தப்பட்டதைத் தொடர்ந்து இந்த உத்தரவு பிறப்பிக்கப்பட்டது.

தமிழகத்தில் மாநில பாடத்திட்டத்தில் பள்ளி மாணவர்களுக்கு இரண்டாம் பருவத் தேர்வு, அரையாண்டுத் தேர்வு முடிவடைந்த நிலையில், டிச.24 முதல் ஜன.1 வரை 9 நாள்கள் விடுமுறை அளிக்கப்பட்டுள்ளது. விடுமுறைக்குப் பிறகு அனைத்துப் பள்ளிகளும் ஜன.2-ஆம் தேதி திறக்கப்படவுள்ளன.