மோரீஷஸ் அதிபருடன் பிரதமர் மோடி சந்திப்பு

கங்கை தீர்த்தம் பரிசளிப்பு

போர்ட் லூயிஸ், மார்ச் 11: மோரீஷஸ் அதிபர் தரம்வீர் கோகுலை செவ்வாய்க்கிழமை சந்தித்த பிரதமர் மோடி, அவருக்கு மகா கும்பமேளாவில் சேகரிக்கப்பட்ட கங்கை தீர்த்தம் உள்ளிட்ட பரிசுகளை வழங்கினார்.

மோரீஷஸ் நாட்டுக்கு இரண்டு நாள் அரசுமுறை பயணமாக பிரதமர் மோடி செவ்வாய்க்கிழமை வந்தடைந்தார். சர் சிவசாகர் ராம்கூலம் விமான நிலையத்தில் பிரதமர் மோடியை நேரில் வரவேற்ற மோரீஷஸ் பிரதமர் நவீன்சந்திர ராம்கூலம், அவருக்கு மாலை அணிவித்து கௌரவித்தார். மோரீஷஸ் துணை பிரதமர், தலைமை நீதிபதி, நாடாளுமன்றத் தலைவர், எதிர்க்கட்சித் தலைவர், வெளியுறவு அமைச்சர், அமைச்சரவை செயலர் என மொத்தம் 200-க்கும் மேற்பட்ட முக்கிய பிரமுகர்கள் பிரதமர் மோடியை வரவேற்றனர்.