குடிக்க உகந்த குடிநீர்!

இந்திய நீர் சுத்திகரிப்பு தொழில்நுட்பச் சந்தையில் 37 சதவீதத்தை மறு ஊடுகை (ரிவர்ஸ் ஆஸ்மாசிஸ்) தொழில்நுட்பம் ஆக்கிரமித்துள்ளது என்று புணேவில் செயல்படும் சந்தையியல் நுண்ணறிவு நிறுவனமான ட்ரான்ஸ்பெரன்சி மார்க்கெட் ரிசர்ச் நிறுவனத்தின் 2017-ஆம் ஆண்டு அறிக்கை கூறுகிறது.

- தி.ஜெயராஜசேகர்

இந்திய நீர் சுத்திகரிப்பு தொழில்நுட்பச் சந்தையில் 37 சதவீதத்தை மறு ஊடுகை (ரிவர்ஸ் ஆஸ்மாசிஸ்) தொழில்நுட்பம் ஆக்கிரமித்துள்ளது என்று புணேவில் செயல்படும் சந்தையியல் நுண்ணறிவு நிறுவனமான ட்ரான்ஸ்பெரன்சி மார்க்கெட் ரிசர்ச் நிறுவனத்தின் 2017-ஆம் ஆண்டு அறிக்கை கூறுகிறது. 2023-ஆம் ஆண்டு 25617.53 கோடி ரூபாயாக (308.07 கோடி அமெரிக்க டாலர்கள்) இருந்த இந்திய நாட்டின் தண்ணீர் சுத்திகரிப்பு சந்தை மதிப்பு 2032-ஆம் ஆண்டுக்குள் 57213.07 கோடி ரூபாய் (688.03 கோடி அமெரிக்க டாலர்கள்) என இருமடங்காக உயரும் என்று சர்வதேச சந்தை பகுப்பாய்வு மற்றும் ஆலோசனைக் குழுவின் இந்திய நீர் சுத்திகரிப்பு சந்தையின் அறிக்கை கூறுகிறது.

நீர் என்பது நாம் அறிந்த ஹைட்ரஜன் மற்றும் ஆக்ஸிஜன் கலவை மட்டுமல்ல. நீரின் தோற்றம் மற்றும் அதன் ஓட்டத்தில் மனித ஆரோக்கியத்துக்கு நன்மை பயக்கும் சில பாக்டீரியாக்கள் போன்ற நுண் உயிரினங்களையும் தசை வளர்ச்சி, இதய செயல்பாடு மற்றும் நொதி உற்பத்தி ஆகியவற்றுக்கு உதவும் கால்சியம், மெக்னீசியம் போன்ற அத்தியாவசிய தாதுப் பொருள்களையும், சோடியம், பொட்டாசியம், தாமிரம், இரும்பு மற்றும் துத்தநாகம் போன்ற தாதுக்களையும் தன்னகத்தே கொண்டுள்ளது.