துஷார் காந்தியை கைது செய்ய பாஜக வலியுறுத்தல்

கேரளத்தில் ஆர்எஸ்எஸ் மற்றும் பாஜகவுக்கு எதிராக தெரிவித்த கருத்துகளை திரும்பப் பெற மகாத்மா காந்தியின் கொள்ளுப் பேரன் துஷார் காந்தி மறுத்துவிட்ட நிலையில், அவரைக் கைது செய்ய வேண்டும் என்று பாஜக வலியுறுத்தியுள்ளது.

கொச்சி, மார்ச் 14: கேரளத்தில் ஆர்எஸ்எஸ் மற்றும் பாஜகவுக்கு எதிராக தெரிவித்த கருத்துகளை திரும்பப் பெற மகாத்மா காந்தியின் கொள்ளுப் பேரன் துஷார் காந்தி மறுத்துவிட்ட நிலையில், அவரைக் கைது செய்ய வேண்டும் என்று பாஜக வலியுறுத்தியுள்ளது.

திருவனந்தபுரம் அருகே உள்ள நெய்யாற்றின்கரையில் கடந்த புதன்கிழமை நடைபெற்ற நிகழ்ச்சியில் பங்கேற்றுப் பேசிய துஷார் காந்தி, பாஜக-ஆர்எஸ்எஸ் எனும் மிக ஆபத்தான, நயவஞ்சக எதிரி கேரளத்துக்குள் நுழைந்துள்ளது. பாஜகவை வீழ்த்திவிட முடியும். ஆனால், ஆர்எஸ்எஸ் விஷம் போன்றது. அது, நாடு முழுவதும் பரவினால், நாம் அனைத்தையும் இழக்க நேரிடும்' என்றார்.