தேசியவாத காங்கிரஸ் எம்.பி.க்கள் மூவரின் தகுதிநீக்க மனுக்கள் தள்ளுபடி

தேசியவாத காங்கிரஸ் மற்றும் தேசியவாத காங்கிரஸ் (பவார்) கட்சிகளைச் சேர்ந்த 3 எம்.பி.க்களின் தகுதிநீக்க மனுவை தள்ளுபடி செய்து மாநிலங்களவைத் தலைவர் ஜகதீப் தன்கர் உத்தரவிட்டார்.

- 

புது தில்லி, மார்ச் 23:

இந்த மனு மீது மேற்கொண்டு எந்தவித நடவடிக்கையும் எடுக்க வேண்டாம் என்று மனுதாரர்கள் தரப்பில் கேட்டுக்கொண்டதன் அடிப்படையில் அவற்றை அவைத் தலைவர் தள்ளுபடி செய்தார்.

தேசியவாத காங்கிரஸ் கட்சி இரண்டு அணிகளாகப் பிரிந்த நிலையில், அக் கட்சி சார்பில் மாநிலங்களவை எம்.பி.யாக இருந்த பிரஃபுல் படேல் மற்றும் தட்கரே இருவரும் அஜீத் பவார் தலைமையிலான அணிக்கு மாறினர். அவர்கள் இருவரும் கட்சியிலிருந்து நீக்கப்படுவதாக சரத் பவார் அறிவித்தார். அதைத் தொடர்ந்து, அஜீத் பவார் தலைமையிலான அணியே உண்மையான தேசியவாத காங்கிரஸ் கட்சியாக அங்கீகரிக்கப்பட்டது.