పేపర్ లీక్, డేటా చోరీపై ఈడీ ఇన్వెస్టిగేషన్

రెండు ఘటనలపై కేసులు నమోదు ‘సిట్’తో కలిపి ఎంక్వయిరీ

• రెండు ఘటనలపై కేసులు నమోదు 

• ‘సిట్’తో కలిపి ఎంక్వయిరీ

• టీఎస్పీఎస్సీ సెక్రటరీ, మెంబర్ల విచారణ! 

• అరెస్టయిన 15 మందిని ప్రశ్నించే చాన్స్ 

• హవాలా మార్గంలో ఆర్థిక లావాదేవీలు ?

• నిందితుల బ్యాంకు ఖాతాల పరిశీలన

• త్వరలో నోటీసులిచ్చే అవకాశం?

దిశ, తెలంగాణ బ్యూరో: రాష్ట్రంలో సంచలనం సృష్టించిన రెండు ప్రధాన ఘటనలపై ఈడీ దృష్టి పెట్టింది. టీఎస్పీఎస్సీ పేపర్స్ లీక్, డేటా చోరీ కేసులో కేసులు నమోదు చేసినట్లు తెలిసింది. ఈ రెండు ఘట నలపై ఏకకాలంలో దర్యాప్తును ప్రారంభించనున్నది.

ప్రశ్నపత్రాల లీక్ పై మూడు రోజుల క్రితమే ఈడీ కేసు నమోదు చేసినట్లు సమాచారం వచ్చినా రాష్ట్ర పోలీసులు ధ్రువీకరించలేదు. ఈడీ సైతం అధికారి కంగా వెల్లడించలేదు. కానీ లెక్కల్లోకి రాని డబ్బు హవాలా మార్గంలో చేతులు మారి మనీ లాండరింగ్ చట్ట ఉల్లంఘన జరిగిందనే అనుమానంతో దర్యాప్తు చేయాలనుకుంటున్నట్లు తెలిసింది.