కేసీఆర్ కొడుకు, బిడ్డ జైలుకే

టీఎస్పీఎస్సీ లీకైపై సిట్టింగ్ జడ్జితో విచారణ జరపాలి బీజేపీ స్టేట్ చీఫ్ బండి సంజయ్ బెయిల్ పై జైలు నుంచి బయటకు.. ఆయనది లిక్కర్, లీకేజీ ఫ్యామిలీ ప్రశ్నపత్రాలు ఎవరో షేర్చేస్తే నాకేం సంబంధం

టీఎస్పీఎస్సీ లీకైపై సిట్టింగ్ జడ్జితో విచారణ జరపాలి 

బీజేపీ స్టేట్ చీఫ్ బండి సంజయ్ బెయిల్ పై జైలు నుంచి బయటకు..

ఆయనది లిక్కర్, లీకేజీ ఫ్యామిలీ

ప్రశ్నపత్రాలు ఎవరో షేర్చేస్తే నాకేం సంబంధం

పేపర్ లీక్ కేసులో మంత్రి కేటీఆర్, ఢిల్లీ లిక్కర్ స్కాం కేసులో ఎమ్మెల్సీ కవిత త్వరలోనే జైలుకు వెళ్తారని బీజేపీ స్టేట్ చీఫ్ బండి సంజయ్ జోస్యం చెప్పారు. పదోతరగతి ప్రశ్నపత్రం లీక్ కేసులో ఆరోపణలు ఎదుర్కొంటూ ఆయన అరెస్టయిన విషయం తెలిసిందే. తీవ్ర ఉత్కంఠ మధ్య హనుమకొండ జిల్లా జడ్జి.. బండికి షరతులతో కూడిన బెయిల్ మంజూరు చేయడంతో శుక్రవారం ఉదయం ఆయన జైలు నుంచి బయటకు వచ్చారు. అనంతరం మీడియాతో మాట్లాడిన ఆయన.. రాష్ట్ర సర్కారుపై ఫైర్ అయ్యారు. కేసీఆర్ లిక్కర్, లీకేజీల ఫ్యామిలీ అని ఆరోపించారు. పోరాటాలు చేస్తూ జైలుకు వెళ్లడం తమ పార్టీ నాయకులు, కార్యకర్తలకు కొత్త కాదన్న ఆయన.. లాఠీ దెబ్బలకు, అక్రమ కేసులకు భయపడేది లేదని స్పష్టం చేశారు. ఎవరో పేపర్ లీక్ చేస్తే దాంతో తనకేం సంబంధమని ప్రశ్నించారు.

- దిశ, కరీంనగర్ బ్యూరో