నేటి నుంచే రూ.2వేల నోట్ల మార్పిడి ప్రక్రియ

• బ్యాంకుల వద్ద ప్రత్యేక ఏర్పాట్లు ప్రజలు కంగారు పడొద్దు  • దుకాణాదారులు రూ.2 వేల నోటు వద్దనకూడదు • ఆర్బీఐ గవర్నర్ సూచన • రూ.1000 నోటును తెచ్చే ప్రతిపాదన లేదని స్పష్టం

• బ్యాంకుల వద్ద ప్రత్యేక ఏర్పాట్లు ప్రజలు కంగారు పడొద్దు 

• దుకాణాదారులు రూ.2 వేల నోటు వద్దనకూడదు

• ఆర్బీఐ గవర్నర్ సూచన

• రూ.1000 నోటును తెచ్చే ప్రతిపాదన లేదని స్పష్టం

హెచీఎఫ్సీ ప్రకటన

రూ. 2 వేల నోటు ఉపసంహరణ నేపథ్యంలో అనేక ఊహాగానాలు చక్కర్లు కొడుతున్నాయి.ఈ క్రమంలో ప్రభుత్వ రంగ ఎస్బీఐ సాధారణ పద్ధతిలోనే రూ.2 వేల నోట్లను మార్చుకోవ చ్చని, ఎలాంటి ఫారం, ఐడెంటిటీ కార్డులు అక్కరలేదని స్పష్టం చేసిన సంగతి తెలిసిందే.తాజాగా ప్రైవేట్ రంగ దిగ్గజం హెచీఎఫ్సీ బ్యాంకు సైతం ప్రజలకు సూచనలిచ్చింది. రూ.2 వేల నోట్ల మార్పిడి కోసం దేశవ్యాప్తంగా ఏ బ్రాంచులోనైనా అవకాశం ఉంటుందని తెలిపింది. ప్రజలు తమ ఖాతాల్లో డిపాజిట్ కూడా చేసుకోవచ్చని పేర్కొంది.

రూ.2,000 నోటు ఉన్నవారు ఏం చేయాలి?

* ఆర్బీఐ నిబంధనల ప్రకారం, దగ్గర్లోని ఏ బ్యాంకులోకైనా వెళ్లి రూ.2 వేల నోట్లను మార్చుకోవచ్చు. ఆ బ్యాంకులో అకౌంట్ లేక పోయినా రూ. నోట్లు రూ.500/రూ.100లలోకి మార్చుకోవచ్చు.

* ఒకసారికి గరిష్టంగా రూ.20వేలు (పది రూ.2వేల నోట్లు) మార్చుకునే వీలుంది. అలా ఒక రోజులో రూ.20వేల చొప్పున ఎన్నిసార్ల యినా మార్చుకోవచ్చని ఆర్థిక వ్యవహారాల కార్యదర్శి అజయ్ సేథ్ సోమవారం తెలిపారు.