માત્ર માર્ગર્શક નહીં મિત્ર બનો

મોટાઇ એમાં છે જેમાં અકળાયા વગર બાળકને મિત્ર ભાવે સાચી બાબત શીખવવામાં આવે.

આપણે બેશક ઉંમરમાં મોટા હોઈએ પણ બાળક માત્ર આપણી સંપત્તિ નથી કે માલિકીની કોઈ ચીજ વસ્તુ. માત્ર રોકટોક કર્યા કરવી એ સાચી મોટાઇ નથી. મોટાઇ એમાં છે જેમાં અકળાયા વગર બાળકને મિત્ર ભાવે સાચી બાબત શીખવવામાં આવે.

માતા-પિતા, વાલી કે શિક્ષક બાળકના જીવનમાં માત્ર ભોમિયા કે માર્ગદર્શક જ નથી પણ એથી વિશેષ એક મિત્ર બની શકે છે. ઘણી એવી બાબતો હોય છે જે બાળકના મનમાં એક સમસ્યાના બીજરૂપે હોય છે તે માટે એક મિત્ર બની તેમની સમસ્યાના હલ સુધી જઈ શકાય છે અને એવું ત્યારે જ બને જ્યારે એમને સો ટકા વિશ્વાસ હોય કે મારી વાત કોઈ તટસ્થ પણે સાંભળશે અને જજમેન્ટલ થયા વિના કોઈ નિવારણ લાવશે. આ માટે આપણે ખૂબ ધીરજ કેળવવી પડશે તો જ બાળરૂપી તિજોરી આપણી સમક્ષ ખુલશે.