ગુલઝારની આંધી (1975)

જેમાં સુચિત્રા સેન બન્યા ઇન્દિરા ગાંધી

આઝાદીના અમૃતપર્વ પ્રસંગે આપણે આજે જે આનંદ માણી રહ્યા છીએ તેનાથી વિપરીત સ્થિતિમાં આ દેશની પ્રજા 47 વર્ષ અગાઉ 1975 (જૂન) થી 1977 (મે) પૂરા બે વર્ષ જીવી હતી તે એટલે સુધી કે “દીવાલોને પણ કાન હોય છે”એ ન્યાયે પડોશીઓ પણ વાત કરતા ખચકાતા હતા.લોકતાંત્રિક પરંપરાઓનું હનન, વૈધાનિક મુલ્યોનો હ્રાસ, સંસ્થાકીય પતન, આપખુદશાહી અને સંજય ગાંધી દ્વારા ફરજિયાત નસબંધી, રાજકીય વિદ્રોહીઓ જેલમાં અને સુપ્રીમ કોર્ટ સુધી ભયનું વાતાવરણ! આવા બે વર્ષ અમે યુવાનીમાં પસાર કરેલ ત્યારે ગુલઝાર દિગ્દર્શિત આંધી ફીલ્મ ફેબ્રુઆરી 1975માં રીલીઝ થઇ,જોઈ અને 20 અઠવાડિયા પસાર થયા અને રાતોરાત ગુજરાત વિધાનસભાની ચૂંટણી વખતે મોડલ કોડ ઓફ કન્ડકટના નામે આંધી પર પ્રતિબંધ મુકાયો કારણકે વિરોધ પક્ષે સુચિત્રા સેનને ઇન્દિરા ગાંધી ગણી શરાબ અને સિગારેટ પીતા પોસ્ટર પ્રસિદ્ધ કર્યા તો વળી કોઈ કે સુચિત્રાસેનના વાળમાં સફેદ લટને ઈન્દિરા ની લટ ગણી. ટૂંકમાં પાંચ મહિના સુધી જે ન બન્યું તે 25મી જૂન 1975 પછીના પાંચ જ દિવસમાં બન્યું અને ફિલ્મ પ્રતિબંધિત થઈ ગઈ,જાણે કટક પર અટક ! ફિલ્મના દૃષ્યો સુધારાયા તે એટલી હદ સુધી ભાટાઈની કક્ષાએ પહોંચાડવા ફરમાન થયું કે એક જગ્યાએ તો ઈન્દિરા ગાંધીના ફોટા પાસે સુચિત્રા સેનને ઊભા રાખી બોલાવડાવ્યુઃ ઈન્દિરા હી મેરા ideal હૈ!