સુરતમાં ૨૦૦૦ કરોડની સરકારી જમીન બિલ્ડરને વેચવાનું કૌભાંડ

મોટી કાર્યવાહી । ફરિયાદ મળતા જ ગુજરાત સરકારે તત્કાલિન જિલ્લા કલેક્ટર આયુષ ઓકે કરેલા હુકમ સામે મનાઈ ફરમાવી દીધી મહેસૂલ વિભાગની આ કેસમાં ઊંડાણપૂર્વકની તપાસ કરાવવાનો આદેશ આપી દેવાયો

સુરત નજીક આવેલા ડુમસમાં સરકારી માલિકીની અંદાજે રૂ. ૨૦૦૦ કરોડના મૂલ્યની સર્વે નંબર ૩૧૧-૩ હેઠળની રૂ.૧૭ લાખ ચોરસ મીટર સરકારી માલિકીની જમીન ગણોતિયા કૃષ્ણમુખલાલ ભગવાનદાસ શ્રોફને નામે ચઢાવી દઈને બિલ્ડરને વેચી દેવાનું કૌભાંડ આચરવામાં આવ્યું છે.

સરકારી જમીન પર ખેતી કરનારને ગણોતધારાની કલમ ૪ હેઠળ જમીનને માલિકી મળતી ન હોવા છતાં જમીનની માલિકી તબદિલ કરવામાં આવેલી છે.