ગુજરાત અગ્નભઠ્ઠીમાં ફેરવાયું, હીટવેવથી ૧૬ના મોત

ગરમીનો પારો ૪૬ ડિગ્રીને પાર કરી જતા લોકો ત્રાહીમામ પોકારી ઉઠ્યા, બપોરના સમયે ઘરની બહાર ન નિકળવા અપીલ દિવસેને દિવસે વધતી જતી ગરમીના કારણે હાર્ટ એટેક, ડિહાઈડ્રેશનના કેસ પણ વધ્યા । બેભાન થઈ જવું, હીટસ્ટ્રોક લાગવો, વોમેટિંગ સહિતના દર્દીઓમાં વધારો

રાજ્યમાં પડી રહેલી કાળઝાળ ગરમીના કારણે ગુરુવારે ૧૬ લોકોના મોત નિપજ્યા છે. ગરમીમાં લૂ લાગવા સહિતના કારણે ૧૬ લોકોએ પોતાનો જીવ ગુમાવ્યો છે. જેમાં સુરતમાં ૯, વડોદરામાં ૪ અને મોરબી, જામનગર, રાજકોટમાં ૧-૧ના મોત થયા છે. માત્ર વડોદરામાં જ અત્યાર સુધીમાં ગરમીથી કુલ ૨૩ લોકોના મોત થયા છે. દિવસેને દિવસે વધતી જતી ગરમીના કારણે હાર્ટ એટેક, ડિહાઈડ્રેશનના કેસ વધી રહ્યાં છે. ગરમીમાં બેભાન થઈ જવું, હીટસ્ટ્રોક લાગવો, વોમેટિંગ સહિતના કેસ વધ્યા છે. હાલ અમદાવાદની અસારવા સિવિલના હીટ સ્ટ્રોક વોર્ડમાં ૫ દર્દી દાખલ છે. અતિશય ગરમીને લોકો હવે સહન નથી કરી શક્તાં નથી. આ કાળઝાળ ગરમીમાં લોકો માટે બહાર નીકળવું મુશ્કેલીભર્યું બન્યું છે. તબીબોની સલાહ મુજબ, કામ વગર ગરમીમાં નીકળવાનું ટાળવું જોઈએ.