યુપીમાં ટ્રેનના ૧૨ કોચ પાટા ઉપર ઉતરી ગયા : ચારના મોત

ઉત્તર પ્રદેશમાં ટ્રેન દુર્ઘટના । યુધ્ધના ધોરણે બચાવ કામગીરી શરૂ કરવામાં આવી બચાવ ટીમ દ્વારા બારીના કાચ તોડીને મુસાફરોને બહાર કાઢવામાં આવ્યા : અકસ્માતમાં ૨૫ ઘાયલ થયા : રેલ્વે વિભાગની ટીમ તાત્કાલિક ઘટના સ્થળે દોડી આવી

ઉત્તર પ્રદેશના ગોંડામાં ગુરુવારે એક ટ્રેન પાટા પરથી ખડી પડી છે. ચંદીગઢથી દિબ્રુગઢ જઈ રહેલી દિબ્રુગઢ એક્સપ્રેસના ૧૦થી ૧૨ કોચ પાટા ૫ રથી ઉતરી પડ્યા હતા, જેમાં ચાર લોકોના મોત થયાના અહેવાલ છે. આ ઘટનામાં અનેક લોકો ઈજાગ્રસ્ત પણ થયા છે. દિબ્રુગઢ એક્સપ્રેસના એસી કોચની હાલત ખરાબ છે. ગોંડા નજીક ઝિલાહી રેલવે સ્ટેશન પાસે દિબ્રુગઢ એક્સપ્રેસ પાટા પરથી ઉતરી ગઈ હતી. ટ્રેન પાટા પરથી ઉતરી જતાં મુસાફરોમાં ગભરાટ ફેલાયો હતો. લોકો ભયથી બૂમો પાડવા લાગ્યા હતાં. ટ્રેન ઉભી રહેતાં જ મુસાફરો બહાર આવી ગયા હતા. રેલવે વિભાગે ઘટનાના કારણની તપાસ શરૂ કરી છે. એસડીઆરએફની ૩ ટીમ બચાવ કામગીરી માટે ઘટના સ્થળે પ હોંચી બચાવ કામગીરી શરૂ કરી દીધી હતી. ચાર લોકો ઘાયલ થવા હોવાના અહેવાલ મળ્યા છે. મોટાભાગના મુસાફરો કોચમાંથી બહાર આવી ગયા છે. પરંતુ હજી તમામ કોચમાં તપાસ થઈ રહી છે. ઉત્તરપ્રદેશના મુખ્યમંત્રી યોગી આદિત્યનાથે પણ ટ્રેન દુર્ઘટનાની નોંધ લેતાં અધિકારીઓને તુરંત ઘટનાસ્થળે પહોંચી ઝડપથી બચાવ કામગીરી શરૂ કરવા નિર્દેશ કર્યો હતો મુખ્યમંત્રીના નિર્દેશ પર ઘટનાસ્થળના આસપ ાસના વિસ્તારોમાં સ્થિત હોસ્પિટલો, સીએચસી, પીએચસીને એલર્ટ મોડ પર રાખવામાં આવ્યા છે. ઘટના સ્થળે ૧૫ એમ્બ્યુલન્સ તૈનાત કરવામાં આવી હતી.