શ્રાવણનાં સોમવારે બિહારના સિદ્ધેશ્વર નાથ મંદિરમાં નાસભાગ ૩ મહિલાઓ સહિત ૯ ભક્તોનાં મોત

ઘટના રવિવારે મોડી રાત્રે લગભગ ૧૨ વાગ્યે બની હતી સુરક્ષા માટે નેશનલ કેડેટ કોર્પ્સના લોકોને તૈનાત કર્યા હતા અને તેઓએ શ્રદ્ધાળુઓ પર લાઠીચાર્જ કર્યો હતો, જેના કારણે લોકો દોડવા લાગ્યા અને કેટલાક લોકો પડી ગયા

શ્રાવનના ચોથા સોમવારે બિહારના જહાનાબાદમાં શ્રાવણી મેળા દરમિયાન સિદ્ધેશ્વરનાથ મંદિરમાં નાસભાગ મચી ગઈ હતી. જેમાં ૩ મહિલાઓ સહિત ૭ શ્રદ્ધાળુઓના મોત થયા હતા. ૩૫ શ્રદ્ધાળુઓ ઘાયલ થયા છે. આ ઘટના મખદુમપુર બ્લોકના વણવર પહાડ વિસ્તારમાં બની હતી. આ ઘટના રવિવારે મોડી રાત્રે લગભગ ૧૨ વાગ્યે બની હતી. જહાનાબાદ પોલીસ ઈન્સ્પ ક્ટરે ૯ લોકોનાં મોતની પુષ્ટિ કરી છે. જ્યારે ૩૫થી વધુ લોકો ઘાયલ હોવાનું કહેવાય છે.