கோயம்பேட்டில் உள்ள கட்சி அலுவலக வளாகத்தில் அரசு மரியாதையுடன் விஜயகாந்த் உடல் இன்று அடக்கம்

உடல்நலக்குறைவால் தே.மு.தி.க. தலைவர் விஜயகாந்த் நேற்று காலமானார். அரசு மரியாதையுடன் அவரது உடல் சென்னை கோயம்பேட்டில் உள்ள கட்சி அலுவலக வளாகத்தில் இன்று அடக்கம் செய்யப்படுகிறது.

இந்நிலையில், விஜயகாந்த் உடல் கோயம்பேட்டில் உள்ள தே.மு.தி.க. கட்சி அலுவலகத்தில் இருந்து தீவுத்திடலுக்கு மாற்றப்பட்டுள்ளது. விஜயகாந்தின் உடலுக்கு அஞ்சலி செலுத்த தமிழ்நாடு முழுவதும் இருந்து ஏராளமான பொதுமக்கள் மற்றும் தொண்டர்கள் தீவுத்திடலில் குவிந்து வருகின்றனர். அஞ்சலி செலுத்த வரும் பொதுமக்கள் கட்டுப்படுத்த காவல்துறையினர் தடுப்புகள் அமைத்து பாதுகாப்பு பணியில் ஈடுபட்டுள்ளனர்.

மறைந்த தேமுதிக தலைவர் விஜயகாந்த் உடலுக்கு மத்திய நிதி மந்திரி நிர்மலா சீதாராமன் மலர் வளையம் வைத்து அஞ்சலி செலுத்தினார். பின்னர் விஜயகாந்தின் மனைவி மற்றும் மகன்களுக்கு ஆறுதல் கூறினார். சென்னை மாநகராட்சியில் தீர்மானம் மறைந்த தேமுதிக தலைவர் விஜயகாந்த் உடலை கோயம்பேட்டில் உள்ள அவரது கட்சி அலுவலகத்தில் நல்லடக்கம் செய்ய சென்னை மாநகராட்சியில் தீர்மானம் நிறைவேற்றப்பட்டுள்ளது.