சந்தன கட்டை பறிமுதல் வழக்கில் தமிழக அரசுடன் பேசி சி.பி.ஐ., விசாரணைக்கு அரசு பரிந்துரை செய்ய வேண்டும்

முன்னாள் முதலமைச்சர் நாராயணசாமி வலியுறுத்தல்

புதுச்சேரியில் சந்தனக்கட்டை பறிமுதல் செய்யப்பட்ட வழக்கில், தமிழக அரசுடன் கலந்து பேசி இவ்விவகாரத்தில் சி.பி.ஐ.., விசாரணைக்கு, புதுச்சேரி அரசு பரிந்துரை செய்ய வேண்டும் என, முன்னாள் முதலமைச்சர் நாராயணசாமி கோரிக்கை விடுத்துள்ளார்.

புதுவை முன்னாள் முதலமைச்சர் நாராயணசாமி, நேற்று நிருபர்களிடம் கூறியதாவது: பிரதமர் மோடி பதவியேற்பு விழாவில் தேசிய ஜனநாயக கூட்டணியில் அங்கம் வகிக்கும் கூட்டணி கட்சித் தலைவர்கள், கூட்டணி முதலமைச்சர்கள் பங்கேற்றனர். ஆனால், புதுச்சேரி முதலமைச்சர் ரங்கசாமி பதவியேற்பில் பங்கேற்காமல் புறக்கணித்துள்ளார்.

அனைத்து மாநில பாஜக முதல்வர்களும், கூட்டணி கட்சி முதல்வர்களும் பங்கேற்ற நிலையில், ரங்கசாமி மோடியின் பதவியேற்பை புறக்கணித்துள்ளது பாஜக கூட்டணியில் கருத்து வேறுபாடு, விரிசல் கூட்டணியில் ஏற்பட்டுள்ளதோ? என்ற கேள்வி மக்கள் மத்தியில் எழுந்துள்ளது.