மாணவர்கள் நல்ல நூல்களை படித்து தெளிவடைந்தால் நெறிமுறையான வாழ்க்கை வாழ முடியும் - முதலமைச்சர் ரங்கசாமி அறிவுறுத்தல்

புதுச்சேரி கலை பண்பாட்டு துறை சார்பில் காமராஜர் மணி மண்டபத்தில் புதிதாக அமைக்கப்பட்டுள்ள காமராஜர் நினைவு நூலகம் திறப்பு விழா நேற்று நடந்தது.

கலை பண்பாட்டு துறை செயலாளர் நெடுஞ்செழியன் வரவேற்புரை ஆற்றினார். துறை இயக்குனர் கலியபெருமாள் நோக்க வுரை ஆற்றினார். சபாநாயகர் செல்வம் தலைமை தாங்கினார்.

ஜான்குமார் எம்.எல்.ஏ., முன்னிலை வகித்தார். முதலமைச்சர் ரங்கசாமி காமராஜர் நினைவு நூலகத்தை திறந்து வைத்து பார்வையிட்டார்.

பின்னர் மாணவர்களுக்கு நூலகத்தில் உறுப்பினராக சேருவதற்கான விண்ணப்ப படிவம் வழங்கி பேசும்போது கூறியதாவது, காமராஜர் மணி மண்டபம் ரூ.39 கோடி மதிப்பில் கட்ட அடிக்கல் நாட்டினேன். கட்டும்போது நான் பதவியில் இல்லை. மணிமண்ட பத்தை நானே திறக்கும் பாக்கியம் கிடைத்தது.