புதுவையில் 15 ஆண்டு தொடர்ந்து குடியிருந்தோருக்கு மட்டுமே அரசு பணி - முதலமைச்சரிடம் மனு

புதுவையில் அரசு பணிகளில் சேர தொடர்ந்து 15 ஆண்டுகள் குடியிருந் தோருக்கு மட்டுமே வாய்ப்பு வழங்க வேண்டும் என, பல்வேறு சமூக அமைப்புகள் நேரு எம்.எல்.ஏ., தலைமையில் முதலமைச்சரிடம் மனு அளித்தனர்.

உருளையன்பேட்டை தொகுதி சுயேட்சை எம்.எல்.ஏ., நேரு தலைமையில், பல்வேறு சமூக நல அமைப்புகளைச் சேர்ந்தவர்கள் முதலமைச்சர் ரங்கசாமியை நேற்று சட்டசபை வளாகத்தில் சந்தித்து மனு அளித்தனர். அந்த மனுவில் கூறியிருப்பதாவது, புதுச்சேரி அரசின் அலுவலகப் பணியாளர்கள் மற்றும் நிர்வாகத் துறை கடந்த வாரம் 256 அரசிதழ் பதிவு பெறாத 'குரூப் பி' பணியிடங்களை நிரப்ப வெளியிடப்பட்ட அறிவிப்பில் வினாத்தாள் ஆங்கிலத்தில் மட்டும் தான் இருக்கும் என அறிவிக்கப் பட்டுள்ளது.