வடகிழக்கு பருவமழையை எதிர்கொள்ள அனைத்து துறைகளும் தயாராக இருக்க வேண்டும்-முதலமைச்சர் ரங்கசாமி உத்தரவு

வடகிழக்கு பருவமழையை எதிர்கொள்ள மேற்கொள்ளப்பட வேண்டிய முன்னேற்பாடுகள் மற்றும் பணிகள் குறித்த ஆலோசனை கூட்டம் முதலமைச்சரும், புதுச்சேரி மாநில பேரிடர் மேலாண்மை ஆணைய தலைவருமான ரங்கசாமி தலைமையில் புதுவை சட்டப்பேரவையில் உள்ள முதலமைச்சர் அலுவலகத்தில் நேற்று நடைபெற்றது.

முதலமைச்சர் ரங்கசாமி தலைமையில் நடைபெற்ற இந்த கூட்டத்தில் சபாநாயகர் செல்வம், அமைச்சர்கள் லட்சுமி நாராயணன், தேனீ.

ஜெயக்குமார், வளர்ச்சி ஆணையர் ஆசிஷ் மாதோவ் ராவ்மோரே, அரசு செயலர்கள் ராஜூ, ஜவகர், ஜெயந்த் குமார் ரே, கலெக்டர் குலோத்துங்கன், பொதுப்பணித் துறை தலைமை பொறியாளர் தீனதயாளன், சுகாதாரத்துறை இயக்குனர் (பொறுப்பு) செவ்வேள், உள்ளாட்சித் துறை இயக்குனர் சக்திவேல், சப் கலெக்டர் சவுந்தரி, புதுச்சேரி நகராட்சி ஆணையர் கந்தசாமி, உழவர்கரை நகராட்சி ஆணையர் சுரேஷ்ராஜ், கொம்யூன் பஞ்சாயத்து ஆணையர்கள் மற்றும் அதிகாரிகள் கலந்து கொண்டனர்.

இக்கூட்டத்தில் இந்த பருவமழையை எதிர்கொள்ள துறைவாரியாக மேற்கொள்ளப் பட்டுள்ள முன்னெச்சரிக்கை பணிகள் குறித்து முதலமைச்சர் ரங்கசாமி அதிகாரிகளிடம் கேட்டறிந்தார்.