தென்காசி மாவட்டத்தில் சுற்றுலா பணிகளை அமைச்சர் ஆய்வு

தென்காசி மாவட்டத்தில் சுற்றுலா தொடர்பான பணிகளை மேம்படுத்துவதற்காகவும், வேலை வாய்ப்புகளை ஏற்படுத்துவதற்காகவும் கடனாநதி அணை, பொட்டல்புதூர் முகைதீன் ஆண்டவர் பள்ளிவாசல், குற்றாலம் நீர்வீழ்ச்சி மற்றும் கீழப்பாவூர் பெரியகுளம் போன்ற பகுதிகளில் மாவட்ட ஆட்சித்தலைவர் ஏ.கே.கமல் கிஷோர், தென்காசி நாடாளுமன்ற உறுப்பினர் மரு.ராணிஸ்ரீ குமார் முன்னிலையில் சுற்றுலாத் துறை அமைச்சர் ராஜேந்திரன் நேரில் பார்வையிட்டு ஆய்வு மேற்கொண்டார்.

இந்த ஆய்வின்போது அமைச்சர் ராஜேந்திரன் தெரிவித்ததாவது: தமிழ்நாடு முதலமைச்சர் உத்தரவின்பேரில், தமிழ்நாட்டில் சுற்றுலாவை மேம்படுத்த ஒவ்வொரு மாவட்டத்திலும் கள ஆய்வு செய்து தொடர்ந்து பணியாற்றி வருகிறோம். அந்த வகையில் தென்காசி மாவட்டம் மிகவும் பிரசித்தி பெற்ற ஒரு மாவட்டமாகும். இங்கு தென்காசி காசிவிஸ்வநாதர் கோவில், இலஞ்சி குமாரர் கோவில், பண்பொழி திருமலைக் கோவில், அச்சன்கோவில் போன்ற பிரசித்திபெற்ற கோவில்களும், குற்றால அருவி, பழைய குற்றாலம், புலியருவி, ஐந்தருவி போன்ற அருவிகளும் நிறைந்து காணப்படும் மாவட்டமாகும்.