ઘાયલ સાકીબ હસન વર્લ્ડ કપમાંથી આઉટ, અનામુલ હક સામેલ

બાંગ્લાદેશી ટીમનો સુકાની સાકીબ ઓસ્ટ્રેલિયા સામેની અંતિમ લીગમાં રમી શકશે નહીં

આઇસીસી વન-ડે ક્રિકેટ વર્લ્ડ કપમાંથી અગાઉથી જ બહાર થઈ ગયેલી બાંગ્લાદેશની ટીમનો સુકાની સાકીબ હસન ઇજાને કારણે વર્લ્ડ કપમાં બાકી રહેલી મેચમાં રમી શકશે નહીં અને તે વતન પરત ફરી જશે. સાકીબ હસનને સ્થાને બાંગ્લાદેશી ટીમમાં અનામુલ હકને સામેલ કરવામાં આવ્યો છે. બાંગ્લાદેશને હવે વર્લ્ડ કપમાં માત્ર એક જ મેચ રમવાની છે જેમાં 11મી નવેમ્બરે તેનો મુકાબલો ઓસ્ટ્રેલિયા સામે થશે. બાંગ્લાદેશ માટે તો આ મેચ મહત્વની નથી પરંતુ સેમિફિનલમાં પ્રવેશવા માટે ઓસ્ટ્રેલિયન ટીમ આ મેચને ગંભીરતાથી લેશે.