പ്രത്യേക യൂനിഫോം അടിച്ചേൽപിക്കില്ല -

സ്കൂളിൽ ആൺ- പെൺ ഒന്നിച്ചിരിപ്പിൽ ആശങ്ക വേണ്ട -മന്ത്രി ശിവൻകുട്ടി

തിരുവനന്തപുരം: സ്കൂളുകളിൽ ഏതെങ്കിലും തരത്തിൽ പ്രത്യേക യൂനിഫോം കോഡ് അടിച്ചേൽപ്പിക്കാൻ സർക്കാർ തീരുമാനിച്ചിട്ടില്ലെന്ന് പൊതുവിദ്യാഭ്യാസ മന്ത്രി വി. ശിവൻകുട്ടി പറഞ്ഞു. ജെൻഡർ ന്യൂട്രൽ യൂനിഫോമുകൾ ചില സ്കൂളുകളിൽ അധികാരികൾ സ്വമേധയാ നടപ്പാക്കിയിട്ടുണ്ടെന്നും മന്ത്രി വാർത്ത സമ്മേളനത്തിൽ പറഞ്ഞു.  അത്തരം സ്കൂളുകളിൽ പരാതികളില്ലെന്നാണ് മനസ്സിലാകുന്നത്. സർക്കാറിന് ഇക്കാര്യത്തിൽ പ്രത്യേകമായ നിർബന്ധബുദ്ധി ഇല്ല.